芒果布丁(附食譜)

而家d芒果又平又靚，整布丁就最岩喇~~

終於整左小梅既芒果布丁

真係好鐘意佢個食譜

我覺得同平時既好唔同

又唔洗落蛋，又唔洗用o者喱粉，仲用芒果奶

真係好好味哦~~

一晚已經食左兩碗。

 

用食物處理器打芒果蓉，仲有小小芒果粒，再加d大粒芒果

真係非常之咁芒果布丁。

 

芒果布甸

魚膠片   15g
熱水     180ml
糖       50g  (原食譜用100g，但因芒果奶已有甜味，故減少一半糖)
淡奶     160ml  (即一小罐三花淡奶)
芒果木瓜奶  236ml (一盒)
芒果     4個

1. 魚膠片先用冰水浸軟，再座熱水至溶解(或可放入microwave叮溶)

2. 將三個芒果去皮取肉，再打成芒果茸，另外一個芒果去皮切粒

3. 將熱水加糖攪溶，加入芒果木瓜奶及淡奶

4. 將少許淡奶混合物加入魚膠溶液攪匀

5. 將所有材料混合，倒入杯中，雪至凝固即成

6. 享用時可拌以淡奶

食譜出自小梅

抹茶雪芳蛋糕

好耐無整過雪芳

見屋企仲有d抹茶粉，就整抹茶味

失敗失敗，唔記得左將抹茶粉先溶係水，當左粉類咁過篩

見到嘛? 一粒粒抹茶粉

好在都好軟熟。

奶油餐包捲(低溫冷藏法)

低溫冷藏法其實是參考紀娟的。

個人認為低溫冷藏法很棒，既方便又軟熟。

最岩搓搓下包突然要出街，掉落雪櫃就行了。

而且製成品也真的很軟熟，又有麵包香，實在很喜歡哦

雖然我只是將麵團雪了十三個小時，但是效果還算不錯哦~~

只是製成品像極個假包。

這個曾美子的食譜又是個無蛋配方。麵包出爐後才在面頭掃上牛油，令立立，好喜歡哦~

鮮果烤釀鳳翼 (附食譜)

鮮果烤釀鳳翼

材料

雞翼13隻(中間部份)

各種水果(隨意)

註: 蘋果，雪梨這些硬身的水果較適合

 

雞翼之調味

1/2茶匙糖

1/4茶匙鹽

1茶匙生抽

1茶匙麻油

 

塗面

2湯匙百花蜜/其他種類之蜜糖

 

方法

1.      洗淨和抹乾雞翼。去骨。調味備用。

2.      預備各種水果，並切條狀。

3.      在焗盤上搽油

4.      將雞翼填入水果

註: 填入之水果不可過多，也不可過少。過多會令雞翼爆開，過小雞翼不夠脹身。

5.      雞翼以180度焗15分鐘

6.      將出雞翼，在雞翼面塗上百花蜜

7.      再放入焗爐以220度焗5-8分鐘至金黃色即可。

去骨其實沒什麼技巧，都是工多藝熟。(上圖) 先剪去雞翼骨中間的接位，然後剪去皮與骨中間的根。大力地將雞翼一"劣"，就可以去骨了。

這道菜可作主菜或派對小食。甜甜的雞翼配上水果，還要是去了骨的，極受小朋友歡迎。餡料可隨意改變。用上水果則會較有新意。而且水果含有豐富的纖維，較有營養。這次我用上了雪梨，芒果和番石榴作為水果之材料。味道很特別，很fresh，大家也可以試試哦~~

德成號雞蛋卷

早就聽閒過這間店的蛋卷很好吃

早在新年前爸爸已想購買

可是，店子說暫停供售了。

昨天，爸爸終於買了。

或許是期望太高，又不覺得極之好吃。

 

蒜蓉方包

 

上文提到我弄了個北海道牛奶吐司

第二日既早餐就變身成為蒜蓉方包

強烈推介這支明治的蒜蓉牛油。好方便，又好味道

好似apita有得買。

北海道牛奶吐司(湯種)

跟MC弄了這個包包

未學行先學走

跟著熱潮，也走去弄湯種。

外型醜怪極了。還有很大的進步空間

媽媽也喜歡，真感動哦~~

 

吸塵豬

為大家介紹既係我屋企既好幫手-----吸塵豬

正確一點說，應該是吸桌上碎屑的吸塵豬

我最喜歡在電腦台上吃吃吃。吃到滿桌都是食物碎屑

這時候，就是豬仔出動既時候。

流浮山的蠔豉粥

整天埋首於project 中

簡簡單單用電飯煲煲個粥

配料有長期穩佔冰箱一席位既流浮山蠔豉

今天很大風，暖一暖最岩

五彩的蝴蝶粉

整個人懶洋洋的

煮個蝴蝶粉，再加上即食的意粉醬

就成為了我的晚餐~~

超鬆化的牛油曲奇 (附食譜)

男友經常嚷著要吃牛油曲奇。

為免他為說說說，就弄給他吃。

用了罐裝的那隻牛油，咬下的質感是真的跟jenny bakery的曲奇很相像。

自己也忍不著吃了數塊

包了一袋給表姐

剩下的全都給了男友。

 

牛油曲奇

材料:

牛油100克

糖霜25克

面粉75克

粟粉25克

制法:

1.      牛油與糖霜打滑

2.      篩入面粉及粟粉混合成面團

3.      o即花，然後放入180度焗爐焗12分鐘至金黃色

食譜改自妙趣曲奇

 

 

加拿大來的三文魚

表姐送我的除了朱古力外，還有三文魚。

她送我一舊長形的三文魚。要我自己切片。

 

家中的刀只是普通廚力，加上沒有技術的我。

 

三文魚刺身落得厚薄不一的下場。

 

帆船牌度小月肉燥

度小月肯定是台灣最味的食店之一。我喜歡極了。

在台灣買回來的帆船牌度小月肉燥已吃得七七八八。

(帆船牌度小月肉燥才是正貨哦，圓型罐那隻只是用了度小月的名字。冒牌我也買來試過，就是不夠正牌的好吃)

 

竟然在東港城的台灣夜市節有售。立即買來一罐存倉。

 

懶極的時候，又不想吃杯麵，煮個白飯，加上少許的肉燥，白飯很快就被爬光了。

 

Purdy's Chocolate

表姐剛從加拿大回來。

買了這個朱古力給我

她說這品牌在加拿大很出名。

嚐過了，朱古力的外殼確實很脆，只是略嫌內餡有點甜

呵呵，不過我還是很喜歡~~

東港城台灣夜市節

真討厭，原來第一天5:00pm才開始呢

忍不住走到易牙妙手吃了個大腸麵線

$10一張卷，每張卷有兩張coupon可以換野食

3個人買左$180卷，姐可以換36份食物。好飽ar

一月的時候到過台灣，覺得最好味既就係度小月

不過，黎到香港，個湯底淡而無味，失晒真~~等我地仲每人換兩碗

周氏蝦捲好脆口，個人認為係全場最好o既

安平貴記的蝦仁肉圓都好好味，再加埋d蒜泥，好味道

腸仔包(老麵法)

用了老麵的方法整腸腸包。

腸仔不夠。又用了媽媽的假腸(其實是台灣松珍牌的齋腸)

可惜，麵團很濕。

整包嘛，仍需努力哦~~

fe------japanese international school

今日參觀既係日本人學校國際部

居然係一間小學到見到有家政室

日本人學校日本部先有得上家政堂

 

food production workshop

cookery最後一堂了。

我和恩瑜都抽中做意粉~~

下圖右下的是用麥粉整o既~~

家政嘛，就是要推行健康飲食，真係鞋口到

好味既lemoncurd，配既係人家食魚子醬的餅餅，哈哈~~

tiffany整豆腐花，真係滑到呢，我食左幾碗

香蕉雪榚都好好味，不過好膩