上一次做芒果布甸，已經是上一年的事了!
芒果大造，買了數個來做芒果布甸。
這個芒果布甸芒果味頗重的，而且又不用下蛋，又不用喱粉.......
若果還是嫌芒果不夠的.............我建議您還是去吃芒果罷了! hahahahaha
芒果布甸
魚膠片 15g
熱水 180ml
糖 50g (原食譜用100g，但因芒果奶已有甜味，故減少一半糖)
淡奶 160ml (即一小罐三花淡奶)
芒果木瓜奶(十字牌) 236ml (一盒)
芒果 4個
1. 魚膠片先用冰水浸軟，再座熱水至溶解(或可放入microwave叮溶)
2. 將三個芒果去皮取肉，再打成芒果茸，另外一個芒果去皮切粒
3. 將熱水加糖攪溶，加入芒果木瓜奶及淡奶
4. 將少許淡奶混合物加入魚膠溶液攪匀
5. 將所有材料混合，倒入杯中，雪至凝固即成
* 享用時可拌以淡奶
注意:
1. 魚膠片的份量因應芒果蓉的份量而家。今次製作，我便多加了2.5g(1片)的魚膠片了!
食譜出自小梅
我呢度冇芒果木瓜奶..........可以用咩代替呀？
回覆刪除[版主回覆03/30/2009 12:18:00]可以用普通鮮奶取代呀!
個長條杯係邊度買? 同圍都唔見有得賣呀!
回覆刪除[版主回覆03/30/2009 12:55:00]個長條杯係o係個間賣cheese bar既鋪頭呢.........(九龍灣mtr有一間)十幾蚊一條o既!
食完之後留番個杯呀!!
呢個係炎夏必備甜品呀!
回覆刪除[版主回覆03/30/2009 14:47:00]係呀係呀! 好good!
用鮮奶.......咁会唔会唔夠芒果味呢？
回覆刪除[版主回覆03/30/2009 15:25:00]我未試過就咁用鮮奶呀! 不過我相信都唔會差好遠o既~~
下了芒果木瓜奶，會否有怪怪的感覺？
回覆刪除[版主回覆03/30/2009 17:27:00]不會呀! 味道很夾的呢!
請問係咪一定要魚膠片? 魚膠粉得唔得呢?
回覆刪除(我跟你嘅食譜整咗牛油曲奇, 好正!)
[版主回覆03/30/2009 17:27:00]唔一定用魚膠片架! 用魚膠粉都可以呀!
哇！我鐘意你呢個裝住布甸的器皿呀！好靚呀！
回覆刪除[版主回覆03/30/2009 17:28:00]我都係鐘意呢個器皿先買黎食......食完要番個器皿
見你講得咁得戚, 等我都照住做先.
回覆刪除[版主回覆03/30/2009 23:29:00].........每人口味不同呀! hahahahahaha.......
唔膽保你覺得好味架!
不過真係要因唔同情況加多少少魚膠片
好味的芒果.....
回覆刪除[版主回覆03/30/2009 23:29:00]多謝!
你整既布甸靚過我整既好多
回覆刪除[版主回覆03/30/2009 23:30:00]唔好咁講啦.......hahahaha
我好耐冇整芒果布甸了，近排見到好多芒果呀，遲ｄ都要整比屋企人食下先！我都鐘意整冇蛋架！ 呀．．．我上次在ｓｏｇｏ一間ｃａｋｅ ｓｈｏｐ見到呢個靚靚甜品模都想買架，不過比我家舍工極力阻止了！ 男人．．．
回覆刪除[版主回覆03/30/2009 23:32:00]咁下次經過靜雞雞買左佢喇!
反而我男朋友次次見到我想買與唔買之間實迫我買架.......佢驚我之後又話要買，要返番轉頭
今晚整整出來喇~~仲未雪住,已經好好味! 唔知雪完嘅效果係點,因我加多咗水....期待聽晚放工返來食...Kakaka..
回覆刪除多謝Cherry分享嘅食譜呀~~
[版主回覆03/31/2009 00:10:00]點解加多左水o既? 咁有無加多d魚膠片呢?
不用客氣呀! 希望您喜歡!
哈~~~ 你都用左依個杯! 我都係呀, 我整左panna cotta
回覆刪除你個芒果布丁~~~ 超吸引~~
[版主回覆03/31/2009 10:54:00]hahaha.........都係貪個杯先買黎食架咋!!
你弄那些比我滑很多
回覆刪除[版主回覆03/31/2009 10:54:00]咁一係您試下呢個食譜呀!!
ｈａｈｈａｈａ．．．．．．．．"若果還是嫌芒果不夠的.............我建議您還是去吃芒果罷了!" 老師，搞乜咁串咀呀？？？ 喂．．．個 container 好靚呀!!!
回覆刪除[版主回覆03/31/2009 12:18:00]hahahahahaha..........講下姐! 其實無人話過唔夠芒果味........
個container係個間cheese bar個間野買架! 食完留番個器皿!
邊個嫌芒果味不夠呀 字裡行間有骨喎
回覆刪除[版主回覆03/31/2009 12:18:00]hahahahahaha..........講下姐! 其實無人話過唔夠芒果味........
我都整左呀~ 味道真係唔錯... 不過呢? 我將魚膠片轉左用魚膠粉~ 溶得唔好, 起左粒粒~ 仲有好似唔夠硬, 唔可以好似出面咁倒出黎食~
回覆刪除[版主回覆04/01/2009 22:55:00]哦哦~~ 起左粒粒，你再坐一坐落熱水攪溶佢嘛!
係呀! 如果你跟佢落咁多既魚膠片係唔可以倒出黎食架!
可憐我的幾個芒果，上星期4買，然後去左幾日旅行，翻來發現系雪柜乾乾地……
回覆刪除[版主回覆04/01/2009 22:55:00]咁慘.......個芒果一定係好甜喇~~~
If I use 15g 魚膠粉, how much water should I add to melt it?
回覆刪除Thanks
[版主回覆04/01/2009 22:56:00]你可以照跟番個食譜既水份量。不過如果你想硬身d o既! 咪落多d魚膠片!
"hi,平時D芒果布甸如果唔落蛋,會有curdle (即水溝油咁上下, 當奶遇上酸便有這白色一塊塊mix唔到的現象出現), 我睇過好多blog友都有curdle,佢哋有D會篩一篩...但你呢個又唔多覺喎....乜解究呢??" - mami
回覆刪除[版主回覆04/02/2009 12:32:00]我都會隔一隔篩架! 咁就無呢個問題喇!
這個食譜好特別呀 , 不用唶喱粉喎
回覆刪除[版主回覆04/02/2009 20:51:00]係呀! 唔洗用喱粉，又唔洗用蛋!
Dear Cherry, 依你食譜其他材料不變，用15g魚膠片的話，芒果蓉應該是多少克？（因為芒果有大有小）。請問多出多少芒果蓉才需要加魚膠片。你今次製作多加了2.5g魚膠片，意思是不是用了17.5g魚膠片整？煩請回覆，謝謝。
回覆刪除[版主回覆05/03/2009 20:53:00]我沒有量度用多少的芒果蓉呀! sorry~ 如果你用既芒果size唔係細o既話，加多少少應該無問題。
噚晚我跟住你的食譜整左，真你好香芒果味，正！
回覆刪除