。晚飯。

好耐無係屋企煮過飯。

今晚煮飯既原因係為左條魚。

 

琴日爸爸朋友比左條8斤重既青斑我地。

好夜先返到屋企，所以零晨12點幾我地先斬魚，哈哈哈

最後真係比人投拆。一打開門，個保安都比條魚嚇親。

相信佢係個心裡面講: 「你地班人，傻架，12點幾係度斬魚。」

其實我地都唔想咁夜斬架。不過成條真係放唔入雪櫃囉。

 

爸爸斬到身水身汗，最後仲要出動搥仔，哈哈。(最後先發現笨左，應該拎去比相熟既魚檔幫我地斬左佢。)

我刨鱗都刨到好辛苦，成手都係，好鬼臭。不過為左食無辦法啦~~

 

條魚真係好滑好滑。好好味

我成日都覺得3點蟹個樣好搞笑。個三點好似眼同鼻。

男友唔鐘意食菜。不過就好鐘意食蝦醬通菜。為左令佢食多d菜一定要煮。今次我仲加埋蒜蓉

唔知你地鐘唔鐘意插花既呢?

係屋企望到d花成個人心情都好輕鬆。

。好香好香。