這款曲奇有點煙韌，而且加有椰絲的香味，不錯吃!
材料:
低筋麵粉 100g
燕麥片100g
椰絲50g
糖50g
牛油100g
糖膠1/4量杯
蘇打粉1/2茶匙
熱水1湯匙
做法:
1. 低粉，燕麥片，椰絲及糖置於碗中拌勻。
2. 牛油與糖膠置鍋中以慢火煮溶。
3. 蘇打粉加熱水拌溶後，倒進牛油溶液內。
4. 牛油混合物倒進低粉中拌成麵團。
5. 把麵團分成16等份，每份搓成圓形置焗盆上。
6. 用叉把麵團輕輕壓扁，置180度焗爐中焗12分鐘至金黃色即成。
* 如果想把這款曲奇弄成鬆脆型，可以低溫烘焙，最少30分鐘。
食譜 : 妙趣曲奇
澳紐之外會唔會有星馬, 中港台, 英美, 意法日同其他種類架?
回覆刪除[版主回覆08/04/2009 13:40:00].............你整番件中港台啦~~
點解叫澳紐啫？有冇粵港澳架？
回覆刪除[版主回覆08/04/2009 13:41:00]粵港車牌就有............hahahaha
燕麥片係唔係早餐吸膽固醇果d呀?
回覆刪除[版主回覆08/04/2009 13:42:00]我就用左即食既早餐燕麥片......但係佢英文係寫rolled oats架!
請問糖膠同糖漿係咪同一樣嘢黎呢？
回覆刪除[版主回覆08/04/2009 13:42:00]我係用金獅糖漿架
好得意呢個名, 點解叫澳紐?
回覆刪除加左燕麥, 即刻健康晒!
[版主回覆08/04/2009 13:43:00]本書有寫點多叫澳紐架..........好似係咩以前軍人打仗個時食~~
有椰絲.....等於我老公一定唔會食 -_-
回覆刪除[版主回覆08/04/2009 13:43:00]我發覺好多男人都唔食椰絲架~~
係咪一定要加燕麥片架?
回覆刪除[版主回覆08/04/2009 13:43:00]我諗唔加都可以o既~~但係要搵其他野取代!
好健康既曲奇~
回覆刪除[版主回覆08/04/2009 13:44:00]係ar............一加左燕麥感覺就好健康
想請問1/4量柸糖膠等於多少G?
回覆刪除[版主回覆08/23/2009 00:25:00]sorry......我沒有量過呢!
多謝食譜啊！我也跟妳做了！可惜做不到煙韌的口感。可能是我改了份量和部份材料吧！ 神婆祖祖
回覆刪除[版主回覆08/23/2009 00:27:00]其實只係少少煙韌架咋~~不過唔煙韌個味道都幾好ar......