包裝精美的蜜餞櫻桃是小杬子送給我的哦!
她真的超細心，知道我鐘意整超鬆化曲奇，就買呢個比我，可以襯埋我個名
多謝你呀!
八號風球，留係屋企，無野做。就拎到賣剩尾既儲貨金罐牛油用埋佢。
配上小杬子送既糖漬櫻桃，真係好靚!
我唔捨得用d糖漬櫻桃，將佢切到超細粒，哈哈哈
超鬆化櫻桃曲奇
材料:
牛油100克 (緊記用golden churn butter)
糖霜25克
面粉75克
粟粉25克
蜜餞櫻桃2粒
制法:
1. 牛油與糖霜打滑
2. 篩入面粉及粟粉混合成面團
3. o即花
4. 櫻桃切小粒，放左餅上點綴
5. 放入180度焗爐焗12分鐘至金黃色
食譜改自妙趣曲奇
小提示:
1. 建議一次過弄兩倍食譜的份量。因為一份弄出來曲奇的數量不多。(數量多小，各人不同，因為o即花的大小不一)
2. 建議不要o即太大的曲奇，因為內裡會較難熟。
其他超鬆化牛油曲奇連結 :
超鬆化朱古力曲奇 http://hk.myblog.yahoo.com/cherry-home/article?mid=1405
http://hk.myblog.yahoo.com/cherry-home/article?mid=384
http://hk.myblog.yahoo.com/cherry-home/article?mid=711
終於用左嗱 ~ 以為你唔鍾意呀!
回覆刪除你整曲奇D紋好出, 好靚呀! 我真係要多多練習喇
個食譜我已經將佢發揚光大 , 超讚呀!
[版主回覆08/07/2008 15:00:00]當然唔係唔鐘意啦!係超鐘意呀。呢隻糖漬櫻桃又無藥水味喎!真係好正呀! 只不過係呢排成日教班，所以都無咩時間整野食喇。琴日咁岩八號波，咪整左佢囉! 不過我都係用左一粒咋。都唔知拎其他黎做咩好tim呀!有無好提議呀?
你好！曲奇好靚啊 ，要說是出邊買返來唧我都信啊！
回覆刪除[版主回覆08/07/2008 15:00:00]哈哈哈。多謝讚賞
呢個我鍾意啊!!!!!
回覆刪除[版主回覆08/07/2008 15:00:00]咁你都快d整啦!
噢......我唔鍾意食櫻桃乾...
回覆刪除次次都搣左佢...
[版主回覆08/07/2008 15:01:00]不過呢個好正架!完全無藥水味。真係好正。
用左一粒 你都好慳家喎
回覆刪除整蛋糕都可以加D啦, 好似孖寶蛋糕呢
[版主回覆08/07/2008 15:25:00]係呀!唔捨得用嘛，hahaha........你見唔見到丁屎咁細粒呢??隻眼細d都望唔到呀! hahaha
e，係喎，孖寶蛋糕都得喎!要搵下食譜先得.......你有無食譜介紹呀?
好靚呀~D花好出
回覆刪除[版主回覆08/07/2008 17:01:00]多謝多謝。你得閒都試下整啦。
好似好好味呀~ 等我都試吓整先~ 想請問你用幾大個 o 即咀呢?
回覆刪除[版主回覆08/07/2008 19:25:00]http://hk.myblog.yahoo.com/cherry-home/article?mid=1405
呢度有講o即咀架喇!希望幫到你!
cherrypoon,
回覆刪除我尋日焗兩2底，第一底做原味用24啞，焗完係就係好挺身同鬆脆，但係我嫌個款(焗完後D紋仍然好深)頓左d，冇咩美感，第2底做朱古力味用6啞，唧出來D花好薄，輕飄飄，弱不襟風咁，焗完D紋有D瀉身，不過仍不失好味，正!我次過食左十幾塊，食完個咀好似成口油，撻响喉嚨咁，好耐都唔過，肥死人呀! 我鐘意朱古力味多過原味，下次整咖啡味俾我同事食先得。本來想帶返公司係同事面前威吓，點知今朝一早，忍唔住一塊又塊........淨翻唔夠半打。
[版主回覆08/07/2008 23:16:00]hahaha，係呀。我自己都會忍唔住勁食架。
我用24啞唧出來都似你個花，但實左太堅挺，死咕咕，冇你咁靈活，係呢!你用幾多啞? 今日返工打開 JENNY BAKERY 個盒曲奇，唓! 佢地D 花都唧得唔係咁靚，D紋都唔顯眼，有D都冇紋啦(冇留意佢係咩味道)! 佢個罐痴左個LABEL，好似話有4 個味道，我就冇留意，我淨係知有原味用咖啡味，我覺得你D花會唧靚過佢。
回覆刪除[版主回覆08/07/2008 23:18:00]http://hk.myblog.yahoo.com/cherry-home/article?mid=1405
你睇下呢個........有o即咀個樣架。
我好鐘意食呢款曲奇架...多謝你既分享呀~
回覆刪除[版主回覆08/08/2008 00:46:00]唔洗客氣呀!
呢款好得喎！
回覆刪除[版主回覆08/08/2008 00:47:00]唉o約，我覺得你整個d仲得呀!上次你請我食既銅鑼燒真係超好味!
好靚呀~~~~
回覆刪除我細個果陣,會先食曲奇上面果粒櫻桃,之後先食餅
[版主回覆08/10/2008 23:10:00]哈哈。咁特別既食法o既
不過有好多人都唔鐘意食粒cherry架。
好正呀！我一路想整鬆化牛油曲奇架！多謝分享..我會試整架！
回覆刪除[版主回覆08/10/2008 23:10:00]好呀好呀!期待你既作品
呢個曲奇真係好好味架, 我上次整咗二百幾塊都唔夠分, 可惜未有時間再整過
回覆刪除[版主回覆08/10/2008 23:10:00]你咁忙o既 ?
唔駛方工，今日晨咁早六點幾起身，諗住整埋上次開咗果d牛油，我之前用淨將佢擺左落個玻璃樽，當我秤好哂 d 粉，响雪柜攞樽牛油出嚟，跣手! 個樽爛左唔緊要，牛油唔要得唔緊要(我仲有一罐)，但我見到d 牛油彈到地下，洗衣機，雪柜邊成pat ，想死! 抺左好耐，都係咁肥，舞左成個鐘有多，仲仍住地下有玻璃同牛油驚奶奶同亞女跣親。而家先開始焗，本來都冇MOOD再整，但係已開左壇，冇法，我加左兩包d 伯爵茶包碎 (我諗唔係好夠味，因為我勁鐘意伯爵茶陣味)。晏D會再整咖啡味。
回覆刪除[版主回覆08/10/2008 23:11:00]茶味又好特別喎。同牛油既味夾唔夾呀?
哎呀!唔記得問你，你知唔知車厘歌夫個唧花曲奇，上面果PAT 果JAM，係咩牌子，我諗唔係超市果D，因為唔多似，我同亞女都鐘意PAT JAM，佢仲抵死，好多時淨係食咗 D JAM，個曲奇就塞落我個口(有一次放工，我一入屋，佢就攞住盒唔見哂d jam 既曲奇，話:(媽媽你辛苦，我留番d 曲奇俾你食呀!，前兩年佢得四歲咋!搞笑!)
回覆刪除[版主回覆08/10/2008 23:12:00]我諗個d jam係可以入爐個種黎架。
Cherry:求救呀! 我尋日整完第一盤伯爵曲奇都好好哋，第二盤用左二湯匙咖啡粉 +少少水開勻，點知焗完之後好瀉身，我諗唔通係自己磅d 材料有錯，於是焗第二盤又係咁。吓唔通唔落得水? 第三輪焗朱古力味 ，已經唔夠金桶牛油，我加左d 藍宝牛油，焗完又係咁瀉，完全睇唔到d紋，點解?係咪天氣太熱，同埋打得太軟身呢?
回覆刪除唔制呀! 金桶牛油我屋企附近冇，我諗要轉三角嘜? 我今日去北河街街市二樓間唔知印尼抑或泰國土產店都冇呀，佢連罐頭牛油都冇呀!
[版主回覆08/11/2008 01:43:00]平時唔加水其實都瀉身喇。加左水肯定瀉呀!
我都試過加過其他牌子既牛油混合一齊。都ok呀。同平時既一樣。
我試過用伯爵茶包整雪芳蛋糕，牛油蛋糕都好好味，但整呢個曲奇就味道唔太突出，可能俾牛油味蓋左。食完個有渣咁，如果蛋糕既話可能d茶葉俾蛋液浸住焗成半個鐘，出左味，而曲奇舊麵糰較乾身，焗既時間又短，唔出味，有d失望。
回覆刪除[版主回覆08/11/2008 01:43:00]其實，呢隻牛油曲奇真係原味最好味。
唉....我真係好忙呀, 既要返工, 又要返學....就嚟考試喇....所以冇時間整野食
回覆刪除[版主回覆08/16/2008 12:53:00]哦!你真係好忙喎。
請問有蛋同無蛋有咩分別架@v@
回覆刪除[版主回覆08/16/2008 21:39:00]我唔清楚呀。不過呢個食譜係唔洗用蛋o既
你整得好pro 呀!!!我都係用你果個唧咀,但焗完D紋有D瀉身,焗之前洗唔洗雪吓先?
回覆刪除[版主回覆08/16/2008 21:39:00]我無雪架。一o即完就放入焗爐架喇。
妳做的曲奇賣相好靚 我明天會試做, 希望成功
回覆刪除請問牛油+糖箱打滑----------要用機打嗎?
焗完後是否放涼後就可以入盒?
[版主回覆08/17/2008 12:56:00]係用機打的哦!
焗完放涼後就放入存氣既盒就得喇!
你好呀..我跟左你呢個食譜整左 好好食 XD 不過用左blue triangle牛油 請問牛油同糖霜mix既時候 洗唔洗打好耐直至白色 定係mix埋左見到同一隻色就ok? 唔知係未因為我打得太耐 唧完過左3-5分鐘到 曲奇既花紋塔哂落去 變到好扁 唔知你有無呢個問題? 同埋如果分2次焗,未焗個d洗唔洗放係雪櫃先? 咁多問題.唔好意思呀
回覆刪除[版主回覆08/17/2008 12:57:00]我打到好淺既黃色啦。
我無塔晒落去呢個問題呀!
我分2次焗，未焗個d都無放係雪櫃
ＨＥＬＬＯ～～我請教下你,呢隻牛油可唔可以代替平時O個D無鹽牛油架,例如用黎整蛋糕同麵包等~~THANKS~
回覆刪除[版主回覆08/17/2008 12:58:00]可以用平時既硬牛油代替。都ok架。
妳好呀!cherry ~
回覆刪除你整曲奇D紋好出, 好靚呀! 我想問如何把曲奇的花紋出ｄ，因為我焗完後曲奇有紋，但不明顯呀！再加上，我用的是金罐牛油，請多多指教
[版主回覆08/24/2008 21:45:00]其實我都無特別既技巧架!都係就咁o即架咋。或者你睇下呢篇 http://hk.myblog.yahoo.com/cherry-home/article?mid=1405 有我用既o即咀既樣架!唔知會唔會係o即咀影響呀!
今日整時失敗左 我想問糖和牛油要打幾耐. 另外是什麼原因出不了花紋.花紋都潟下來.請問這牛油是否有鹽. 因為鹽份好像重了點
回覆刪除[版主回覆09/02/2008 12:15:00]其實如果你覺得鹽份多左d，可以加d普通牛油混埋一齊整架!
糖和牛油打一陣，變淺黃就ok了
你好呀, 你的曲奇真係好靚呀!
回覆刪除今日試整了
唔知係咪唔識o即o 焗左出黎無晒d紋
唔知點解 同埋我有問題想請教你呀!
就是用焗爐駛唔駛話用上下火定點架?
仲有呀 " 篩入面粉及粟粉混合成面團" 駛唔駛用打蛋機打定其他呀?
不好意思 有很多問題
麻煩你囉!!
萬分感謝!!
[版主回覆09/02/2008 12:17:00]其實我都係就咁o即架咋。或者你睇下呢個blog，有我用既o即咀既樣
http://hk.myblog.yahoo.com/cherry-home/article?mid=1405
係用上下火架
" 篩入面粉及粟粉混合成面團" 唔駛用打蛋機，用膠刮便可。
請問"蜜餞櫻桃"可以係邊度買到呀?
回覆刪除thanks!
[版主回覆09/28/2008 21:31:00]呢樽係blogger送比我o既，見到有citysuper貼紙。應該citysuper有得賣!
我尋日依足份量，但用普通無鹽牛油(因買唔到你介紹個隻)，唔知點解勁鬆化，鬆化到一拿起就省晒，同埋一d甜味都沒有，係咪糖霜都有分甜同唔甜嫁？
回覆刪除[版主回覆10/24/2008 18:12:00]其實呢個食譜用普通牛油都好鬆化架! 我用太古糖霜囉! 不夠夠甜架喎!
我想問是否低筋 面粉??
回覆刪除[版主回覆11/07/2008 17:38:00]對呀!
係咪一定要用低粉整先得嫁?
回覆刪除牛油與糖霜打滑 即係點 洗唔洗用打蛋器?
[版主回覆11/09/2008 00:17:00]我見有blogger係用高筋粉整架! 不過我自己就用低筋粉!
牛油同糖霜係用電動打蛋器打滑架!
係唔係唔使用蛋咖?其他都要,點解你唔使用o既?!
回覆刪除[版主回覆11/20/2008 16:26:00]唔使用蛋架!
曲奇唔一定要加蛋架!
蜜餞櫻桃 係邊買阿?? 你用邊隻唧咀?? THANKS!!!
回覆刪除[版主回覆12/29/2008 00:03:00]係小阮子送比我o既! 我見佢係citysuper買o既!
我用既o即咀你可以睇 http://hk.myblog.yahoo.com/cherry-home/article?mid=1405
How come your 花唧得咁好 ga!!! Can u show me the pic of your 唧嘴?
回覆刪除[版主回覆03/24/2009 21:48:00]http://hk.myblog.yahoo.com/cherry-home/article?mid=1405 唧咀相在內
我想問吓第一個step可否不用電動打蛋器啊! 用普通個D得唔得呀!
回覆刪除[版主回覆06/15/2009 17:08:00]得~~其實打到淡黃色就得架喇!! 只係用手動打蛋器會辛苦d姐~~
hi朋友仔:什麼將 牛油與糖霜打滑點解點做嗎?請回覆
回覆刪除朋友仔apple
` 09-08-2009
[版主回覆08/09/2009 21:30:00]將兩者混合，用電動打蛋器打滑就可以了
我從未整過曲奇, 但見到你整得咁靚, 好想跟你學整...
回覆刪除請問:
1) golden churn butter 有冇分有鹽/冇鹽? 應該用冇鹽牛油整曲奇嗎?
2) 面粉是低筋面粉嗎 ?
3) 栗粉是指鷹栗粉嗎 ?
4) 唧咀型號是 SN7141 ?
請告訴我, 我還想去學校學呢, 但唔知去邊間好......
[版主回覆08/11/2009 00:56:00]答:
1. 無分有鹽無鹽架。
2. 低粉。
3. 鷹粟粉
4. 對。
你好?見到你既即曲奇好靚呀,好精緻
回覆刪除