上年，表姐吃過超鬆化牛油曲奇，很是喜歡! 她在加拿大左尋右尋也找不到金罐牛油。
十月，她又回來了! 她說很想吃超鬆化牛油曲奇。更希望曲奇上有朱古力，像車厘哥夫的那一款~~
加了朱古力於曲奇面.......又真的挺好吃哦!
超鬆化朱古力醬曲奇
材料:
牛油100克 (緊記用golden churn butter)
糖霜25克
面粉75克
粟粉25克
免調溫朱古力 適量
制法:
1. 牛油與糖霜打滑
2. 篩入面粉及粟粉混合成面團
3. 唧花，然後放入170度焗爐焗約20分鐘至金黃色
4. 取出，待涼。坐熱水熱溶朱古力，放入唧袋唧朱古力於曲奇面即可
食譜改自妙趣曲奇
小提示:
1. 建議一次過弄兩倍食譜的份量。因為一份弄出來曲奇的數量不多。(數量多小，各人不同，因為o即花的大小不一)
2. 建議不要o即太大的曲奇，因為內裡會較難熟。
伸延閱讀
超鬆化朱古力粒曲奇http://hk.myblog.yahoo.com/cherry-home/article?mid=3122
http://hk.myblog.yahoo.com/cherry-home/article?mid=2585
超鬆化櫻桃曲奇 http://hk.myblog.yahoo.com/cherry-home/article?mid=2033
超鬆化朱古力曲奇 http://hk.myblog.yahoo.com/cherry-home/article?mid=1405
http://hk.myblog.yahoo.com/cherry-home/article?mid=384
http://hk.myblog.yahoo.com/cherry-home/article?mid=711
嘩.... 睇到都好鬆脆, 又可以跟你偷師啦....
回覆刪除[版主回覆11/25/2009 22:41:00]唔好話偷師啦~~~有好食譜要一齊分享嘛!
我一直都係用你個食譜做，非常好味，加埋古古力，yummy!
回覆刪除[版主回覆11/25/2009 22:42:00]多謝crystal! 加左古力又真係幾好味
俾妳搞到我又想整tim
回覆刪除[版主回覆11/25/2009 23:03:00]整啦整啦~~好鬼快就整好喇!
唉 ! 我整過 2 次 .. 2次都瀉哂 ... 都唔知點解 ....
回覆刪除[版主回覆11/25/2009 23:04:00]瀉係一定會有D瀉架! 你可以試下用多o亞D既唧咀呀~~
我對金罐牛油始終都係冇感情~ 所以冇做過咁鬆化既曲奇囉~
回覆刪除[版主回覆11/25/2009 23:04:00]你唔喜歡鬆化既曲奇?
好耐都無整曲奇...見到你整...太吸引啦.. 係時候快快動工啦..kakaka
回覆刪除[版主回覆11/25/2009 23:05:00]整啦! 不過一整就食唔停架喇....haha
這款曲奇又係幾鬆化架...
回覆刪除[版主回覆11/25/2009 23:05:00]係呀! 所以咪食唔停囉!
GOOD!!! 我都有2罐在家 "看門口" , 哈哈!! 以防手痕~
回覆刪除[版主回覆11/25/2009 23:08:00]絕對係呀! 屋企必備一兩罐金罐牛油架~~
很可愛的朱古力曲奇喔 ! 我又要做......
回覆刪除[版主回覆11/25/2009 23:11:00]整啦整啦~~加左古力真係好味道!
我尋晚又整左, 不過無加古力
回覆刪除[版主回覆11/25/2009 23:12:00]加左古力好味呀! 下次試下呀~~
一睇就知好好味
回覆刪除[版主回覆11/25/2009 23:12:00]多謝多謝文妮!
一定好好味啦
回覆刪除[版主回覆11/25/2009 23:13:00]幾好架真係~~
哩個真係好味好鬆化，不過唔可以食咁多！
回覆刪除[版主回覆11/25/2009 23:16:00]不過一整親點都食多幾塊........呢隻野真係肥爆~~ kaka
又係用金罐, 到底我罐用嚟整咩好呢? 心大心細添~ 煩ing~
回覆刪除[版主回覆12/01/2009 21:47:00]整曲奇good wor~~~夠晒鬆化!
喱個我整過呀!真係超 鬆脆
回覆刪除[版主回覆12/01/2009 22:16:00]係呀~~好味道!
好靚噃.....
回覆刪除我連 唧花都唔識......
食你呢啲算數啦......
[版主回覆12/01/2009 22:17:00]練多d就唧得靚架喇~~
睇見都流口水(^^),yummy!!
回覆刪除[版主回覆12/01/2009 22:18:00]thx~~
唧得好靚啊!
回覆刪除我都試下整先~~嘻!
[版主回覆12/01/2009 22:18:00]試下啦~味道不錯的!
睇到我都想整黎食呀~!
回覆刪除[版主回覆12/01/2009 22:20:00]整啦~~好快手架咋
為什麼我做的沒有立體???? 都是扁扁的???
回覆刪除[版主回覆12/02/2009 19:40:00]唧高少少呀! 係有少少瀉身架~~
Miss Poon, 究竟是甚麼原因, 令焗起的曲奇有瀉身現象呢? 我沒有過度攪發啊!
回覆刪除[版主回覆12/02/2009 19:41:00]牛油含量多.....入焗爐時受熱.....瀉身是正常哦~~
請問如果用金罐做呢隻size曲奇，你知道一罐可以做到幾多塊呀？因為我將要做，所以要預份量；又想問，我一直唔識點唧花，你呢隻係用咩唧咀架？係點嘅樣架？當唧花嘅時候有無咩要注意呢？你之前用一個個粉紅色好似密實袋裝嘅袋仔響邊度買架？謝謝！
回覆刪除[版主回覆12/11/2009 15:17:00]其實整到幾多真係視乎您唧既size係幾大! 不過以我自己整既~~可以整到約200塊啦~~
http://hk.myblog.yahoo.com/cherry-home/article?mid=1405 唧咀請看這post
個o個密實袋係我好耐好耐以前係blogger小四個度買架!
好想食
回覆刪除[版主回覆12/16/2009 12:30:00]試下整呀。好易
我想問呢...如果轉做抹茶味, 咁應該要幾多麵粉,幾多抹茶粉呀?
回覆刪除[版主回覆01/02/2010 00:38:00] http://hk.myblog.yahoo.com/cherry-home/article?mid=1405
參考呢個呀!將可可粉轉做抹茶粉。
多謝你分享你的食譜,今日成功做到,但花紋不太明顯,可能我的唧咀不好,我只試做了一份分量,十分美味鬆脆.不過第二堤果仁曲奇就哀左.
回覆刪除[版主回覆01/02/2010 00:38:00]唧多d就會靚d架喇! 加油~~
我試過焗完之後完全潟晒, 有咩辦法可以改善, 雪吓先入焗會唔會好啲?
回覆刪除[版主回覆03/01/2010 15:46:00]都可以雪下佢先呀
hello,請問你食譜中的面粉+粟粉 可否直接用低筋面粉代替呢??
回覆刪除[版主回覆03/02/2010 12:20:00]面粉可以用低粉代替。但粟粉還是建議照用粟粉。
golden churn butter 是否也適用於mrs. field cookies 同埋朱古力杏仁曲奇??
回覆刪除[版主回覆03/02/2010 12:34:00]其實佢係可以用黎整其他曲奇/蛋糕架!
糖粉跟糖霜是一樣嗎?
回覆刪除[版主回覆04/22/2010 13:02:00]不一樣。粉霜幼細一點的呢!
你好啊~
回覆刪除我想請教一下..請問你食譜中的面粉是係指中筋面粉還是低筋面粉...?邊樣好d...第一次整希望成功...
[版主回覆04/22/2010 13:03:00]其實可以用中粉，亦可以用低粉。兩樣粉都可以。我覺得效果差唔多
i tried to make the cookies today, but they all melt while I'm baking. why?
回覆刪除